Asambleja politike e PPE miraton rezolutën: Drejtuesit e opozitës të izoluar në prag të fushatës 22/11 15:03
Ministrja e Arsimit Besa Shahini, ditën e sotme ka qenë e ftuar në emisionin ‘Top Talk’ me gazetarin Denis Dyrnjaja, ku ka folur rreth vendimit për mbylljen e vitit shkollor për shkak të pandemisë Covid-19.
E pyetur nga gazetari Dyrnjaja se pse u vendos të mbyllej viti akademik, ndërkohë që çdo ditë po shkohet drejt hapjes së vendit pas karantinimit disa javor, ministrja është shprehur se nuk ishin kushtet e duhura për të rikthyer nxënësit në ambientet e shkollës.
“Nuk është e mundur që të kthehen në shkollë të gjithë nxënësit. Kemi shkolla me dy turne dhe me shumë nxënës në klasë. Prandaj e pamë të nevojshme që të mbyllet ky vit shkollat. Nuk ishin kushtet për ti sjellë të gjithë nxënësit në shkolla. Nuk kemi ikur plotësisht nga koronavirusi”
Ndërkohë për sa i përket anulimit të provimeve të klasës së nëntë, Besa Shahini është shprehur se ato nuk do të zhvillohen. Ndërsa për vlerësimin e nxënësve ajo ka thënë se do të merret mesatarja e tyre nga klasa e 6-të në të nëntën.
“Këtë vit nuk do të bëhen fare. Shpresojmë që ti bëjmë vitin tjetër me gjeneratën e vitit tjetër klasës së 9. Kemi vendosur të marrim një mesatare të notave nga klasa e 6 deri në të 9. Do të bëhet nga mësuesit. I mbyllin notat ata. Pjesën e mësimit online të mbyllet në fund të majit që mësuesit të kthehen në shkolla dhe të bëjnë këtë proces. Duke mos penalizuar askënd.” tha Shahini.
Top Channel
