Në Korenë e Jugut, zyrtarët shëndetësore po përpiqen të zgjidhin një mister! Arsyen se pse 163 persona të cilët u shëruan një herë nga koronavirusi tashmë janë sërish pozitivë, njoftim ky i bërë nga Qendra për Kontrollin dhe Parandalimin e Sëmundjeve në Korenë e Jugut (KCDC).
E njëjta gjë ka ndodhur dhe në Kinë, ku disa pacientë me koronavirus janë testuar sërish pozitiv pasi janë shëruar një herë, megjithatë këto shifra nuk janë zyrtare, shkruan CNN.
Kjo shtron pyetjen: A mund të ri-infektohesh me koronavirus?
Në Korenë e Jugut, përqindja e rasteve që dalin sërish pozitive është e ulët – nga 7,829 personat që janë shëruar nga koronavirusi atje, 2.1% janë testuar pozitivisht, tha KCDC të Premten.
Nuk është e qartë se sa nga njerëzit që janë rikuperuar janë testuar përsëri.
Por pacientët që po dëshmojnë se janë pozitivë janë akoma një shqetësim në të gjithë botën, përfshirë në vende si Koreja e Jugut.
Zëvendësdrejtori i KCDC, KWon Joon-Wook tha se deri më tani, nuk ka asnjë indikacion që pacientët që dëshmojnë pozitivë janë ngjitës, edhe pse rreth 44% e tyre treguan simptoma të buta.
Por ai paralajmëroi se ka ende shumë shkencëtarë që nuk dinë për virusin, përfshirë çështjen e imunitetit të fituar natyrisht.
“Covid-19 është patogjeni më sfidues me të cilin mund të jemi përballur në dekadat e fundit,” tha KWon. “Ashtë një armik shumë i vështirë dhe sfidues.”
Është e mundur që çështjet me testimin, ose sasi të ndryshme të ARN virale në trup, të cilat kërkojnë testet, mund të shpjegojnë pse pacientët e shëruar rezultojnë përsëri pozitiv me Covid-19.
KCDC raporton se testet pozitive u kthyen midis 24 orëve dhe 35 ditë, por mesatarja ishte rreth 13.5 ditë pas daljes nga izolimi.
Deri më tani në Korenë e Jugut janë shënuar 230 viktima nga Covid-19 dhe janë infektuar 10,635 persona.
Top Channel
