Izraeli ashpërson masat në Jerusalem për shkak të COVID-19
12/04/2020 11:36
Rusia kryen sulm masiv ndaj sektorit të energjisë të Ukrainës 28/11 09:04
Qeveria izraelite ka miratuar masa më të ashpra të karantinës në disa pjesë të Jerusalemit, përfshirë edhe pjesën historike të Qytetit të Vjetër, në përpjekje për të ndaluar përhapjen e mëtejmë të koronavirusit në këtë qytet.
Komiteti i ministrave miratoi ndalimin e qarkullimit në disa zona ultra-ortodokse të qytetit për ta ndaluar përhapjen e mëtejme të sëmundjes COVID-19, që shkaktohet nga koronavirusi, raporton AP.
Masat e ndërmarra hyjnë në fuqi mesditën e së dielës. Qytetarët nuk do të mund të lëvizin pa pasur leje të posaçme. Lëvizja do të lejohet vetëm për punë të domosdoshme dhe për kujdes shëndetësor.
Ministria e Shëndetësisë së Izraelit ka thënë se janë mbi 10 mijë raste me koronavirus, ndërsa mbi 100 pacientë kanë vdekur. Rreth një e pesta e rasteve janë në Jerusalem, ka thënë Ministria e Shëndetësisë.
Top Channel
