“Serbia nuk luan dot me Kosovën”/ Deputeti gjerman, Thomas Hacker: Bisedime të reja pas zgjedhjeve
24/11 12:24
Vetëm pas 51 ditësh në Prishtinë u rrëzua qeveria e Kryministrit Albin Kurti. Deputetët në shumicë votuan pro mocionit të mosbesimit që kishte paraqitur Lidhja Demokratike e Kosovës. Nga 117 deputete të pranishëm, 82 prej tyre votuan pro mocionin, 32 kundër dhe 1 abstenoi.
Kundër rrëzimit të qeverisë ishin tre deputete të LDK-së, përfshi edhe kryeparlamentaren Vjosa Osmani. LDK-në e mbështetën në këtë aksion partia e Ramush Haradinajt, Kadri Veselit dhe Fatmir Limajt.
Për Ramush Haradinajn ky votim vërtetoi se Kushtetuta dhe Kuvendi në Kosovë funksionojnë, dhe se shteti i Kosovës rreshtohet me vlerat më sublime të demokracisë. “Kam besim të plotë që institucionet e Republikës do të konstituohen shpejtë dhe se nuk do të ketë boshllëk qeverisës”, thotë Haradinaj.
Sipas Kushtetutës së Kosovës neni 95, për zgjedhjen e Qeverisë thotë, se “Nëse Kryeministri jep dorëheqjen ose për arsye të tjera, posti i tij/saj mbetet i lirë, Qeveria bie, dhe Presidenti në konsultim me partitë politike ose koalicionin që ka fituar shumicën në Kuvend, mandaton kandidatin e ri, për të formuar Qeverinë.
Qeveria Kurti është më jetëshkurta që nga paslufta me 51 ditë pushtet. Ndërkohë debati gjatë gjithë ditës u zhvillua i ashpër.
Top Channel
