Vitrina e Librit/ Fati i Perëndimit-Jacque Attali & P. H. Salfati

23/03/2020 12:16

Libri “Fati i Perëndimit” i autorëve Jacque Attali, një prej personaliteteve bashkëkohore më të spikatura dhe më influent në nivel ndërkombëtar dhe Pierre- Henry Salfati, një nga njohësit më të shquar të historisë së antikitetit , vecanërisht të historisë së judaizmit, është një sfidë e admirueshme intelektuale, akademike, filozofike, historike, politike dhe sociale për të shpjeguar rrënjët e këtij civilizimi dhe fatin që e prêt të ardhmen e tij.

Ky libër është një lloj psikanalize e qytetërimit perëndimor për të zbuluar dhe për të supozuar të fshehtat e tij, të cilat i paraqesim në këtë libër. Në to gjendet kushti për mbijetesën e tij. Në një kohë kur duhet të shqetësohemi vetëm për të ardhmen, mund të duket i pazakontë interesimi për marrëdhënien midis dy mendësive të cilat e kanë origjinën në Lindjen e Mesme që përpara tri mijë vjetësh. Megjithatë, për të kuptuar më mirë botën, asgjë nuk është më aktuale, më e domosdoshme, më urgjente, sesa zbulimi i themeleve të qytetërimit perëndimor, aq i adhuruar dhe i urryer njëkohësisht.

Këto themele, në thelb, janë hebraike dhe greke. Dialogu ndërmjet mendimit hebraik dhe atij grek ndërtoi një sistem vlerash, një utopi shoqërore që lartësonte individin, lirinë për të menduar, për të arsyetuar, për të zbuluar, për të mbledhur dijen dhe për të përmirësuar botën materiale. Prej tij ka filluar mbretërimi i arsyes, që është e pandashme nga liria.

Nëse hebrenjtë mbështesnin të pafundmen dhe shpresën, grekët të fundmen dhe arsyen, të dy bashkohen te një ide e cila ishte themeli i Perëndimit.
Sidoqoftë, kjo origjinë hebraike dhe greke është krejtësisht e panjohur: qytetërimi perëndimor e pranon origjinën greke, por, përgjithësisht, nuk e përmend atë çfarë i detyrohet judaizmit dhe në vend të kësaj, i referohet krishterimit.

Të Dhëna

Lloji i botimit Hard Cover
Fletët 256
ISBN 9789928265241
V. Bot 2020
Vendodhja Tirane
Gjuha Shqip
Tipi i publikimit Libër
Grupmosha mbi 18 vjeç
Statusi I ri
Numri i botimeve I parë
Përkthyesi Adrian Civici

Top Channel