Më shumë se 100 të dënuar arratisen nga burgu pas reshjeve të rënda në Nigeri (fotot)
26/04 16:38
Një mjek pakistanez u arrestua në shtetin amerikan të Minesotës nën akuzat për terrorizëm.
Muhammad Masood, 28 vjeç, ish-koordinator i kërkimeve në Klinikën prestigjioze Mayo, u arrestua nga agjentët e FBI-së më 19 mars dhe u akuzua për komplot për të siguruar mbështetje materiale për një organizatë të huaj terroriste.
Prokurorët thanë se Masood ka qenë në Shtetet e Bashkuara me vizë pune.
Sipas tyre, qysh në muajin janar, Masood ka bërë disa deklarata te agjentët e paguar të FBI-së – për të cilët ka menduar se janë anëtarë të grupit militant Shteti Islamik – duke shprehur mbështetje për xhihadistët.
Ai po ashtu ka shprehur dëshirën për të udhëtuar në Siri dhe për të luftuar për Shtetin Islamik, si dhe dëshirën për të kryer sulme në SHBA.
Zëdhënësi i Klinikës Mayo, Ginger Plumbo, tha se Masood ka punuar më herët në qendrën mjekësore dhe se “nuk ka qenë i punësuar atje në kohën kur është arrestuar”.
Top Channel
