Teatri edukativ i kukullave sjell buzëqeshje te fëmijët e kampit në veri të Sirisë (fotot) 23/11 19:25
Organizata Botërore e Shëndetit (OBSH) të martën paralajmëroi një mungesë globale dhe rritje çmimesh për pajisjet mbrojtëse për të luftuar koronavirusin që përhapet me shpejtësi dhe u kërkoi kompanive dhe qeverive që të rrisin prodhimin me 40% ndërsa u rrit numri i vdekjeve.
Turmat që mbajnë maska mbrojtëse, pas shpërthimit të koronavirusit, janë parë në stacionin Shinjuku në Tokio, Japoni, 3 Mars 2020.
Ndërkohë, Rezerva Federale Amerikane uli normat e interesit të martën në një veprim urgjent në përpjekje për të parandaluar një recesion global dhe Banka Botërore njoftoi 12 miliardë dollarë për të ndihmuar vendet për të luftuar koronavirusin, i cili ka shkaktuar probleme në udhëtimet ajrore, turizmin dhe industri të tjera duke kërcënuar perspektivat e rritjes ekonomike globale.
Virusi vazhdoi të përhapet në Korenë e Jugut, Japoni, Evropë, Iran dhe Shtetet e Bashkuara, dhe disa vende raportuan rastet e tyre të para të konfirmuara, duke shkuar në total rreth 80 vende të goditura me sëmundje të ngjashme me gripin që mund të çojnë në pneumoni.
Top Channel
