“Të hiqet Garda”/ Peleshi i përgjigjet shqetësimit të Vokshit dhe Bardhit: Mos krijoni stuhi në gotë, keni lirinë e plotë në Kuvend 07/05 19:08
Këtë të shtunë , prej orës 11:00, kryeministri Edi Rama po zhvillon një mbledhje të zgjeruar me qeverinë dhe grupin parlamentar.
Fokusi i mbledhjes së socialistëve, që po zhvillohet te Pallati i Brigadave, pritet të jetë Kadastra dhe Reforma Territoriale.
Top Channel mëson se në mbledhjen e zgjeruar do të flasë drejtoresha e Agjencisë Shtetërore të Kadastrës, Lorena Goxhobelli, kryetari i Komisionit të Reformës Territoriale, Arbjan Mazniku, dhe ministrja e Shtetit për Marrëdhëniet me Parlamentin, Erjona Ismaili.
Kjo është mbledhja e parë e përbashkët e qeverisë dhe grupit parlamentar, pas Asamblesë Kombëtare Socialiste, të shtunën e kaluar në Durrës, ku kryeministri Edi Rama njoftoi një sërë ndryshimesh, që prekën drejtuesit politikë të gjashtë qarqeve, në kuadër të zgjedhjeve lokale të 2027-ës.
Përveç angazhimit të ministrave të rinj në disa qarqe, Rama fuqizoi Tiranën me dy bashkëdrejtues, ku krah Ogerta Manastirliut u caktua edhe Taulant Balla, ndërsa u hoq nga drejtimi i kryeqytetit Elisa Spiropali, të cilës iu la vetëm drejtimi i Njësisë 13.
Në agjendën zyrtare të takimit të përbashkët të qeverisë me grupin parlamentar nuk parashikohet të diskutohet mungesa e Spiropalit në seancën plenare për votimin e imunitetit të Ballukut, siç e ka paralajmëruar kryetari i grupit parlamentar, Taulant Balla. Pas deklaratës së Ballës, reagoi dhe ish-ministrja e Jashtme, Elisa Spiropali, e cila kërkoi që çështja të konsultohej sa më shpejt nga grupi socialist.
Top Channel
Top Channel/ Tensione në Kuvend, demokrati ultimatum Peleshit: O jepi zgjidhje, o nxjerrim ne gardën
Top News- Kurti kërkoi statusin kandidat/ I përgjigjet Brukseli: Duhet të bindesh 27 shtetet anëtare
