Heqje e bllokadës detare, 300 miliardë $ investime amerikane në Iran dhe Republika Islamike heq dorë armët bërthamore, ja çfarë përmban pakti me SHBA 17/06 19:42
Skema e ngjyrave
Madhësia e shkrimit
Një sulm me raketë nga Jemeni drejt territorit izraelit ka rritur ndjeshëm tensionet në Lindjen e Mesme, duke sinjalizuar mundësinë e hapjes së një fronti të ri në konfliktin rajonal.
Sipas ushtrisë izraelite, raketa u lëshua nga zonat e kontrolluara nga rebelët Houthi, të mbështetur nga Irani, dhe u drejtua drejt jugut të Izraelit. Sistemet e mbrojtjes ajrore u aktivizuan menjëherë, ndërsa sirenat e alarmit u dëgjuan në qytetin e Beershevës dhe zonat përreth. Deri më tani nuk raportohet për viktima apo dëme të mëdha materiale.
Vetë Houthit konfirmuan sulmin disa orë më vonë, duke e cilësuar si kundërpërgjigje ndaj goditjeve izraelite në objektiva iraniane dhe në rajone të tjera si Libani, Iraku dhe Bregu Perëndimor.
Ata paralajmëruan se operacionet do të vazhdojnë deri në arritjen e objektivave të tyre. Zhvillimi vjen në një moment kur Irani ka paralajmëruar se mund të ndërmarrë veprime në Ngushticën strategjike Bab al-Mandab, një korridor jetik për tregtinë globale që lidh Detin e Kuq me Oqeanin Indian.
Ekspertët paralajmërojnë se përfshirja aktive e Houthive mund të thellojë krizën, duke rritur rrezikun për tregtinë ndërkombëtare dhe furnizimin me naftë, ndërsa konflikti po merr gjithnjë e më shumë dimensione rajonale dhe globale.
Top Channel
