Ngjitja pas telefonave celularë, është shumë më e pranueshme në aspektin social sesa përdorimi i lëndëve narkotike.
Por nga sa tregon një studim i fundit, varësia ndaj këtyre pajisjeve inteligjente dhe drogave mund të ketë të njëjtat efekte të dëmshme mbi trurin tonë. Studimi u realizua nga disa universitete dhe qendra kërkimore në Evropë. Shkencëtarët përdorën makineri të rezonancës magnetike, MRI dhe zbuluan se personat e klasifikuar me varësi nga smartphone, pësojnë ndryshime në strukturën e trurit, të ngjashme me ato që mjekët shohin tek të varurit nga droga.
Testi u krye në 48 vetë, 22 prej të cilëve u kategorizuan se kishin varësi nga telefonat intelegjentë. Sipas studiuesve nga Universiteti Heidelberg, “duke pasur parasysh përdorimin e tyre të gjerë dhe popullaritetin në rritje, studimi i tanishëm e vë në dyshim bindjen e përgjithshme se telefonat inteligjentë nuk dëmtojnë”.
Varësia e telefonave inteligjentë nuk është e re dhe as e padëgjuar, por zbulimi I fundit është mjaft më konkret dhe vërtet shqetësues. Për këtë qëllim, kompani të tilla si Apple dhe Google kanë prezantuar karakteristika në telefonat e tyre dhe sistemet operative që synojnë të ndihmojnë në zvogëlimin e kohës që përdoruesit shpenzojnë me to.
Top Channel
