Arrestohet pasi po drejtonte makinën në gjendje të dehur, tenton të largohet nga komisariati
23/02/2020 14:34
E rëndë në Tiranë, 26-vjeçarja hidhet nga kati i pestë i pallatit ku banon 01/05 22:25
Një person në Shkodër i cili ishte arrestuar pasi po drejtonte makinën në gjendje të dehur ka tentuar që të largohet edhe nga komisariati por nuk ja ka dalë.
Shkodër
Drejtonte mjetin në gjendje të dehur dhe tentoi të largohet nga ambientet e DVP-së, por u vu në pranga nga shërbimet e policisë
Shërbimet e Seksionit të Qarkullimit Rrugor gjatë kontrolleve të ushtruara me drager për parandalimin, evidentimin dhe ndëshkimin e atyre personave që drejtojnë mjetin nën efektin e alkoolit apo në gjendje të dehur, në orët e vona të mbrëmjes së djeshme kanë konstatuar se shtetasi A. H. 35 vjeç, banues në Shkodër drejtonte mjetin në gjendje të dehur.
Pas kryerjes së alkool testit, drejtuesi i mjetit është shoqëruar në ambientet e Drejtorisë Vendore të Policisë dhe gjatë shoqërimit nga punonjësi i policisë për tek dhomat e paraburgimit ka tentuar të largohet nga ambientet e D. V. P. Shkodër, por falë reagimit të shpejtë nga shërbimet e tjera të policisë është bërë kapja dhe arrestimi i tij.
Materialet iu referuan Prokurorisë së Rrethit Gjyqësor Shkodër për veprime të mëtejshme.
Top Channel
