Fillojnë reshjet e borës në Kosovë
05/02/2020 11:04
Ambasadori i Gjermanisë në Prishtinë: Kosovën e pret punë e vështirë për t’u anëtarësuar në Këshillin e Evropës në maj 16/04 23:01
Pas një kohe me temperatura pranverore, Kosova në mbrëmjen e sotme është përfshirë nga reshjet e borës.
Reshjet e borës kanë filluar pas një stuhie me erëra të forta dhe me shi, duke lënë më shumë se 100-mijë banorë pa energji elektrike në disa komuna të Kosovës. KEDS ka njoftuar se të gjitha ekipet janë në terren për të bërë të mundur rikthimin e energjisë elektrike.
Kryetari i Komunë së Prishtinës, Shpend Ahmeti ka njoftuar se të gjitha ekipet për mirëmbajtjen e rrugëve janë në terren, për të bërë të mundur pastrimin e rrugëve. Ai po ashtu u ka bërë thirrje qytetarëve që të kenë kujdes në trafik, kurse qytetarëve u ka bërë thirrje që për raste emergjente të kontaktohet numri 080012233.
Edhe Komuna e Ferizajt ka njoftuar se pas reshjeve të bores të gjitha rrugët e Ferizajt janë të kalueshme, në zonat urbane dhe rurale, pasi ekipet për mirëmbajtjen e tyre janë në terren.
Kurse zyrtarët policorë u kanë bërë thirrje qytetarëve që të kenë kujdes të shtuar gjatë pjesëmarrjes në trafik, për të evituar aksidentet e mundshme, raporton KosovaPress.
Top Channel
