Forcat izraelite bombardojnë Libanin, raportohet për dhjetëra të vdekur e të plagosur 24/11 22:56
Pasagjerët e bllokuar në kroçerën italiane në Civitavechia pranë Romës kanë nisur të zbresin nga anija pas marrjes së konfirmimit se dy njerëzit e dyshuar në bord nuk janë të infektuar me koronavirusin kinez.
Kroçera Costa Smeralda me rreth 7,000 njerëz në bord është mbajtur e bllokuar prej mëngjesit të martës, pasi një grua 54 vjeçare kineze tregoi simptoma gripi.
Ajo kishte hipur në anije më 25 janar në Savona, dhe u vendos në një njësi të izoluar brenda anijes bashkë me të shoqin.
Costa Smeralda ka ndaluar në portin e Marseille në Francë, në Barcelonë e Palma de Mallorca kësaj jave para se të ndalte në Civitavechia.
Ministria italiane e shëndetësisë ka konfirmuar se dy pasagjerët rezultuan të paprekur nga virusi, ndërsa kompania Costa Cruises ka ofruar të paguajë për ushqimin dhe hotelin e 1,140 njerëzve që duhet të zbrisnin në Civitavechia të enjten.
Top Channel
