Seria A/ Empoli shpëton sezonin me fitoren ndaj Roma-s, Frosinone e pëson nga Udinese dhe bie nga kategoria 27/05 00:37
Talenti i kombëtares italiane të futbollit Nicolò Zaniolo vuajti një dëmtim të rëndë në përballjen e serisë A që Roma zhvilloi ndaj Juventus duke u detyruar të dalë me barelë mes lotëve e duke vendosur në pikëpyetje, përfaqësimin në Euro 2020.
Këputja e ligamenteve në gjurin e djathtë imponon ndërhyrjen kirurgjikale, duke kthyer makthin e dëmtimeve te formacioni verdheblu, që ka vuajtur më shumë se asnjë tjetër në kontinentin europian.
Për nostalgjikët e Serisë A, Zaniolo u rrëzua jo larg zonës ku braziliani Ronaldo u shemb përtokë mes lotëve kur luante me Interin në vitin 2000. Tani Roma detyrohet të riformatojë formacionin titullar, por duhet së pari të gjejë shkaqet e dëmtimeve të përsëritura, që shumëkush ia faturon përgatitjes fizike.
9 lojtarë të skuadrës së parë dhe 7 të të rinjve kanë vuajtur dëmtime të tilla në vetëm 6 vitet e fundit, sidomos mbrojtësit.
Disa prej futbollistëve të ekipit kryeqytetas kanë përjetuar dy herë të njëjtat makthe, si në rastin e Strotman, të Florencit dhe talentit Bouah dhe nën akuzë është stafi përgatitës dhe infermieria që sipas mediave italiane, nuk është asnjëherë në lartësinë e duhur.
Top Channel
