“Dorëzohet” edhe Mourinho: Po, Eriksen mund të largohet që në janar
04/01/2020 01:08
Jo vetëm “ylli” i Milanit, Bayerni synon t’i “rrëmbejë” dy lojtarë Guardiolës 24/05 15:52
Christian Eriksen mund të largohet që në janar nga Tottenhami. Nuk është thjesht një indicie gazetareske, siç ka ndodhur në vazhdimësi gjatë muajve të fundit, por një pohim i trajnerit të “Spurs”-ave, Jose Mourinho.
Portugezi, në një konferencë për shtyp dy ditë para përplasjes me Middlesbrough nq FA Cup, deklaroi:
“Sot, Eriksen ka tre opsione: mund të gjejë marrëveshjen me një klub për fundin të sezonit, të largohet në janar ose të qëndrojë.”
Pra edhe vetë Mourinho e ka të qartë që nuk mund ta mbaje me zor danezin, pavarësisht se i kanë ofruar rinovimin e kontratës me një pagë “faraonike”. Shitja në janar është një mundësi, edhe pse jo idealja, për të mos e humbur në verë me parametër zero. Në këtë rast, klubet që interesohen për shërbimet e tij, do ta “rrëmbenin” për një shifër rreth 20 milionë euro, shumë më pak se vlera e tij.
Real Madridi, PSG, Juventusi dhe Interi janë vënë në garë për të bindur futbollistin. Në janar apo në fund të sezonit, ankandi për Eriksenin tashmë është hapur.
Top Channel
