Propozimi i ri i Mustafës/ “LDK i jep 1 ministri VV në vitin 2021 kur zgjidhet presidenti”

18/12/2019 20:28

Lidhja Demokratike e Kosovës ka dalë me një ofertë të re për arritjen e koalicionit me Vetëvendosjen.

Në takimin mes dy kryetarëve të partive të mbajtur të shtunën, Isa Mustafa ka propozuar që ti jap një ministri më tepër VV-së, në këmbim të pozitës së presidentit.

Mustafa ka treguar se propozimi parashihte që ministria t’i jepej Vetëvendosjes në vitin 2021, në momentin që presidenti i propozuar nga ta të merrte votat e mjaftueshme nga Kuvendi.

Mirëpo, propozimi është kundërshtuar nga Kurti.

Isa Mustafa, kryetar i LDK-së

Mustafa ka treguar se LDK-ja nuk ka plan B për të ardhur në Qeveri në rast të dështimit të marrëveshjes më VV-në, dhe si rrjedhojë parashohin shkuarjen në opozitë.

Isa Mustafa, kryetar i LDK-së

Emrat e ministrave dhe kryeparlamentarit asnjëra palë nuk i ka nxjerrë në tavolinë.

Kjo është thënë se do të bëhet pasi Kurti të votohet si kryeministër.

Në anën tjetër, Kurti nga mbledhja e Këshillit të Përgjithshëm të LDK-së, priste betonimin e qëndrimeve apo për ta mundësuar realizimin e marrëveshjes.

Albin Kurti, kryetar i LVV-së

Takimet mes Kurtit e Mustafës ende nuk dihet se kur do të vazhdojnë.

Top Channel