Kandidati prorus prin në zgjedhjet presidenciale në Rumani 25/11 08:36
Fotografi Xhozef Filip Bevillard ka rreth 10 vite që dokumenton nëpërmjet fotografive jetët e familjeve endacake (travellers) të Irlandës, të cilët jetojnë në komunitete të mbyllura dhe nuk i pëlqejnë të huajt.
Endacakët irlandezë janë një grup etnik të cilët ruajnë tradita të vjetra, e madje kanë një gjuhë të tyren, të quajtur shelta, edhe pse pjesa dërrmuese flet anglisht.
Ata jetojnë kryesisht në Irlandë, por kanë komunitete të mëdha edhe nëpër Mbretërinë e Bashkuar. Popullsia e tyre ka qenë rreth 32.302 në vitin 2016, vetëm brenda Irlandës.
Gjenetikisht, sipas analizave, ata janë irlandezë dhe nuk kanë asnjë lidhje me ciganët Romë. Ata janë një pakicë etnike e Irlandës, ndoshta ndonjë grup nga keltët e vjetër, të cilët janë vendosur në atë rajon prej të paktën 1000 vitesh. ADN-ja e tyre është ndryshe nga të ardhurit e tjerë, nga Norvegjia dhe Islanda.
Endacakët kanë kohë që janë përpjekur të marrin statusin e etnisë nga qeveria irlandeze, dhe më në fund ia dolën në vitin 2017.
Top Channel
