Në orët e mbrëmjes së kaluar tre persona janë futur në banesën e Taf Shabanit në fushë Milot.
Në banesë ndodhej e zonja e shtëpisë dhe pasi janë paraqitur si shokë të djalit të tyre që jeton në Itali dy prej personave kanë hyrë në katin e dytë të banesës duke zbërthyer kasafortën ku dhe ndodheshin paratë.
Pasi kanë marrë paratë dhe disa sende me vlerë janë larguar. Sipas zonjës së shtëpisë personat ishin tre dhe nuk i njihte, pasi ka probleme me shikimin.
Ata më pas janë larguar dhe është lajmëruar i zoti shtëpisë dhe policia e Kurbinit. Sipas Taf Shabanit vlera e lekëve është shumë e madhe dhe kanë qenë të fshehura në kasafortë.
Burime bëjnë me dije se kasaforta është hapur me levë. Paratë janë të djalit të shtëpisë i cili rezulton që të jetë në burg në Itali. Policia deri më tani ka shoqëruar disa persona si dhe ka ngritur disa pika kontrolli, banesa nuk ka kamera sigurie.
Top Channel
