Bashkia e Tiranës ka përfunduar një tjetër investim të rëndësishëm në rrjetin e ujësjellësit me impakt të drejtpërdrejt në jetën e mijëra banorëve në rrugën “Petro Nini”.
Ky investim u krye sipas të gjitha parametrave bashkëkohore, me materiale cilësore dhe profesionalizëm maksimal. Përmes kësaj ndërhyrjeje u krye zëvendësimi i rrjetit të amortizuar, duke siguruar cilësi më të mirë në furnizimin me ujë për banorët e kësaj lagjeje.
Në këto katër vite, Bashkia e Tiranës ka realizuar një sërë investimesh të rëndësishme në shumë zona të kryeqytetit, duke rinovuar tërësisht rrjetin e amortizuar nga mosvënia dorë prej vitesh duke sjellë përmirësim të ndjeshëm të furnizimit me ujë të pijshëm dhe të cilësisë së tij.
Në të njëjtën kohë një vëmendje e posaçme i është kushtuar edhe përgjigjes në kohë të shqetësimit të qytetarëve për çdo problem në rrjetin e ujësjellës kanalizimeve përmes specialistëve të UKT.
Top Channel
