Video/ Prela vizitë kolegut në spital. Prokurori në gjendje të normalizuar, Muharremi ende në sallën e operacionit

01/11/2019 19:43

Burime nga spitali i Durrësit bëjnë të ditur për gazetaren e Top Channel, Vali Qyrfuci, se Aleksandër Laho (njohur dhe me emrin Pëllumb/Landi Muharremi) ndodhet ende në sallën e operacionit. Në atentatin e ndodhur pasditen e sotme pranë mbikalimit të Shkozetit, ai ka pësuar një dëmtim të rëndë në nofull nga një plumb.

Ndërkohë gjendja e prokurorit Arjan Ndoji, që ka marrë një plumb në qafë, është e normalizuar. Ai komunikon normalisht, ndërsa ndodhet në reanimacionin e spitalit.

Donika Prela, drejtuese e Prokurorisë së Përgjithshme, ishte pak minuta më parë në spitalin e Durrësit, ku u takua edhe me kolegun e plagosur. Ajo shoqërohej edhe nga Tonin Vocaj, drejtues i lartë në Policinë e Shtetit.

  2 orë e gjysmë pas atentatit ndaj prokurorit, ja çfarë dihet deri më tani (Detajet)

Top Channel