Fotografon votën, arrestohet një person në Prizren
06/10/2019 11:46
Serbia liron zëvendës drejtorin e Policisë së Kosovës, reagon ministria e Jashtme 18/04 21:58
Kosova po mban sot zgjedhjet e jashtëzakonshme parlamentare, nga ku do të dalë kryeministri i ri i vendit.
Këto votime vijnë pas dorëheqjes së Ramush Haradinaj nga posti i kryetarit të shtetit pasi ai u thirr për të dëshmuar në gjykatën speciale.
Një incident është regjistruar në Prizren ku një person ka fotografuar votën dhe për pasojë është arrestuar.
Rastin për Ekspres e ka konfirmuar zëdhënësi i policisë për Rajonin e Prizrenit, Vesel Gashi.
“Është raportuar rasti, janë duke u ndërmarrë të gjitha vendimet konform zbatimit të ligjit edhe në bashkëpunim me Prokurorin”, ka thënë Gashi.
Gashi ka bërë të ditur se I dyshuari është dërguar në sektorin e Hetimeve Rajonale.
“Kemi një të dyshuar, është dërguar në sektorin e Hetimeve Rajonale nën dyshimin e cenimit të fshehtësisë së votës. Ky deri më tani është rasti i parë i raportuar”, ka thënë Gashi.
Top Channel
