“Meta ka informacione se SPAK mund ta godasë”/ Ish-kryeprokurori Hajdari: Sulmet e kryetarit të Partisë së Lirisë, të ngjashme me ato të organizatave kriminale 18/04 16:00
Kreu i partisë së PBDNj-së, Vangjel Dule, i ftuar në emisionin “Top Talk” foli ndër të tjera mbi kushtet e vendosura për Shqipërinë nga pala greke, përsa i përket negociatave mbi anëtarësimin në Bashkimin Evropian.
I pyetur mbi paralajmërimet e bëra nga Kryeministri Mitsotakis për votën greke, ku ka thënë se nëse nuk respektohen standardet për pakicat ne nuk jemi të gatshëm që të japim një votë pro, Dule u shpreh:
“Së pari, Greqia ka qenë dhe ka bërë avokatinë më sistematike pro proceseve integruese të Shqipërisë, do të jetë si në NATO ashtu edhe në Bashkimin Evropian. Çështja e shtruar nga ana e kryeministrit grek është çështja e pronave, të cilat janë objekt grabitjeje nga zoti Rama dhe klientët e tij dhe e dyta është e drejta e vetëdeklarimit, e cila duhet të ishte realizuar, e ka premtuar, që në maj të 2018-s dhe sot jemi në tetor të 2019-s dhe ende nuk e ka plotësuar këtë kusht ndaj Bashkimit Evropian”, deklaroi kryetari i PBDNJ-së.
Në fund, deklaroi:
“Ne urojmë që të kemi zhvillime të tilla cilësorëe, pse jo edhe të papritura në vendin tonë me qëllim që të lehtësojmë vendimin e partnmerëve tanë për një vendim pozitiv.”
Top Channel
