Freedom House: Korrupsioni dhe ndikimi politik në gjyqësor, shqetësime të vazhdueshme në Kosovë 24/04 22:13
Një koalicion serb që po merr pjesë në zgjedhjet e 6 tetorit ka vendosur të veprojë ndryshe nga pjesa tjetër e serbëve.
Fjala është për koalicionin “Sloboda”, që në këtë fushatë po kërkon përfshirjen e serbëve në delegacionin e Kosovës, që do të marrë pjesë në bisedimet me palën serbe.
Në intervistën e dhënë për Top Channel, kandidati për kryeministër, Nenad Rashiq ka thënë se serbët mund të jenë urë lidhëse për arritjen e një marrëveshjeje, e cila do të sillte pajtimin e dy popujve. Rashiq thotë se koalicioni “Sloboda” ka përkrahjen më të madhe te komunat me shumicë serbe në pjesën jugore të Kosovës, ndërsa në veri nuk kanë mbajtur fare tubime elektorale për shkak të rrezikut.
Me gjithë raportimet për kërcënime, Rashiq tregon se institucionet e sigurisë kanë reaguar një muaj pas ankesës. Të drejtë vote nga komuniteti serb kanë 117 mijë persona.
Koalicioni “Sloboda” që në shqip i bie “Liria” është duke kandiduar kundër partisë Lista Serbe e cila ka mbështetjen e presidentit të Serbisë, Aleksandër Vuçiç.
Top Channel
