Fotot/ Aksion për pastrimin e kryeqytetit
14/09/2019 11:41
Aksion ‘blic’ në burgun e Durrësit pas një konflikti mes dy të dënuarve, sekuestrohet një ‘iPhone’ 27/06 13:47
Skema e ngjyrave
Madhësia e shkrimit
Dy ditë para fillimit të vitit të ri shkollor, në të 24 njësitë administrative të kryeqytetit është ndërmarrë një aksion pastrimi, i mbështetur nga vullnetarë dhe qytetarë të Tiranës. Aksioni filloi në orën 8 të mëngjesit dhe po vijon në të gjitha njësitë administrative.
Qytetarë si dhe punonjësit e ndërmarrjeve të pastrimit të kryeqytetit kanë filluar largimin e inerteve, por edhe të mbetjeve të tjera të ngurta si mobilie, goma, hekurishte.
Ndërkohë që Veliaj u ka bërë thirrje të gjithë banorëve të japin kontributin e tyre që Tirana të jetë gjithmonë e pastër. “Mirëmëngjesi grupi! Po ti ku do pastrosh sot?
Dita e Pastrimit është një mundësi fantastike që vendin ta duam me vepra e jo veç me fjalë! Evropa mund të ketë në dorë negociatat e Tetorit, por një Tiranë evropiane të pastër e të rregullt, e kemi në dorë vetë! Forca!”, shkruan Veliaj.
Një vëmendje e veçantë i është kushtuar ambienteve rreth institucioneve arsimore të cilat do të hapin dyert këtë vit për rreth 66 mijë nxënës të kryeqytetit.
Një punë të mirë kanë bërë edhe administratorët e njësive bashkiake si dhe vullnetarët duke përmirësuar edhe jetesën e gjithë komunitetit.
Top Channel
