Arrestohet rumuni në Shëngjin, me lugë dhe thika kontrabandë
30/08/2019 11:06
EMRI/ U ndje keq dhe u transportua në QSUT, ndërron jetë i burgosuri 19/11 14:39
Një shtetas me banim në Rumani, I.G., 46 vjeç, është arrestuar në flagrancë në aksin rrugor Fushë Milot-Lezhë. Arrestimi i 46 vjeçarit u bë nga specialistët për hetimin e krimit ekonomik e financiar në Drejtorinë e Lezhës, në kuadër të planit të posaçëm të masave për luftën kundër informalitetit.
Këtij shtetasi, gjatë kontrollit të ushtruar në mjetin si dhe në banesën e tij të marrë me qera, iu gjetën dhe sekuestruan në cilësinë e proves materiale një sasi e konsiderueshme enë dhe aksesorë kuzhine të paketuara gati për shitje, në vlerë monetare rreth 27.000 Euro.
Të gjitha mallrat ishin pa dokumentacion përkatës dhe të dyshuara kontrabandë.
Në cilësinë e proves materiale u sekuestrua edhe mjeti në të cilin u gjendën mallrat e dyshuar kontrabandë.
Materialet proçedurale i kaluan Prokurorisë pranë Gjykatës Shkallës Parë Lezhë për veprat penale në ngarkim të tij ” Kontrabandë me mallra të tjerë”, ” Fshehja e të ardhurave” , ” Manipulim i tregut” dhe ” Shkelja e të drejtës së pronësisë industriale”.
Top Channel
