![](https://top-channel.tv/wp-content/uploads/2024/07/ramaa_sd-1-800x450.jpg)
Federata e Futbollit të Kosovës mblodhi këtë të hënë përfaqësues të klubeve të Superligës, delegatë të UEFA-s dhe zyrtarë të policisë me synimin për të përvijuar masat mbi trukimin e ndeshjeve.
Në aktivitetin ku u bashkuan gjithashtu prokurorë e juristë, u ritheksua rëndësia që ky fenomen negativ në sportin më popullor të planetit, të parandalohet në kohë në vendin ballkanik.
Bashkim Spahiu, pjesëtar i Policisë së Kosovës, tha se policia ka një bashkëpunim. Të ftuar në seminarin për manipulimin e rezultateve, ishin edhe përfaqësues të UEFA.
“Është vështirë të flasësh për trukimin e rezultateve të ndeshjeve. UEFA e trajton këtë temë prej shumë vjetësh në mënyrë intensive. Por jo vetëm kaq. Dopingu, marrja e steroideve janë të tjerë fenomene negative. Humbja e ndeshjeve dhe pësimi i golave me qëllim duket si dicka normale”- thotë William McAullife.
Në Kosovë edhe pse vazhdimisht luftohet trukimi i ndeshjeve, vazhdimisht ka akuza të skuadrave për njëra-tjetrën për rezultate të paracaktuara.
Top Channel