Putin fal borxhet për luftën/ Presidenti rus josh qytetarët e zhytur në kredi për të luftuar në Ukrainë
24/11 13:22
Vetëm 48 orë pasi u përfshi në një aksident rrugor pranë Sandringhamit në Norfolk, policia e këtij rajoni njofton se i ka tërhequr vëmendjen Dukës së Edinburgut, pasi është kapur nga kamerat e sigurisë teksa drejtonte mjetin pa rripin e sigurisë.
Një zëdhënëse e policisë së Norfolkut tha se “drejtuesit të mjetit i ishin dhënë udhëzimet e përshtatshme”.
Megjithatë, Emma Fairëeather, e cila theu dorën gjatë aksidentit të së enjtes, është shprehur për tabloidin “Mirror” se Duka nuk ka kërkuar aspak ndjesë.
Një zëdhënës mbretëror, gjithsesi e hodhi poshtë këtë, duke thënë se janë bërë kontaktet e nevojshme me pjesëtarët e automjetit tjetër për të shkëmbyer “urimet dashamirëse”.
Përplasja në Sandringham, ku “Land Roveri” i Princit Philip u anua, ndodhi të enjten, ndërsa dy ditë më vonë, pamje të publikuara nga “Daily Mail” dhe “The Sun” tregojnë Dukën 97-vjeçar teksa drejton i vetëm mjetin e ri “Land Rover”, pa vendosur rripin e sigurisë.
Zëdhënësja e rajonit policor të Norfolkut thotë se efektivët kanë qenë në dijeni të fotografive dhe kanë komunikuar me drejtuesin e mjetit.
“Reagimi ynë ka qenë në linjë me përgjigjen standarde, me t’u vënë në dijeni të imazheve të tilla, që tregojnë një shkelje të rregullave të qarkullimit rrugor”, tha ajo.
Top Channel
