“Për të ndryshuar situatën, duhet rezistencë”, Salianji letër nga burgu i Fierit: Manifestimi për Martinin, më prekësi 23/11 15:53
Kryetari i Partisë Demokratike, Lulzim Basha nuk ka vonuar shumë t’i kundërpërgjigjet mesazhit në “Twitter” të kryeministrit të Shqipërisë, Edi Rama, që komentoi mbi një artikull të publikuar në “Washington Times”.
“Ka blerë gjykatës, prokurorë, gazeta, TV dhe ambasadorë me parà droge dhe korrupsioni e nuk i dalin hesapet Ramës. Drejtësinë e ka kapur, por popullin nuk e kap dot. Kokat e krimit e korrupsionit do japin llogari para tij. Shumë shpejt.”, shkruan Basha në po të njëjtin rrjet social.
Kryeministri Edi Rama ishte shprehur më herët se, sado të paguhen artikuj nëpër botë kundër vettingut, “ne do ta pastrojmë me rrënjë drejtësinë”.
Lexo edhe:
Rama: Shani e mallkoni sa të doni, drejtësinë do ta pastrojmë me rrënjë!
“Paguani, paguani artikuj nëpër botë kundër Vetingut! Shani e mallkoni në sa gjuhë të mundeni Reformën në Drejtësi! Na akuzoni sa të doni për imoralitet nga dritarja e shtëpisë suaj publike! Ne do ta pastrojmë me rrënjë drejtësinë s’e s’kemi frikë nga drejtësia e vërtetë”, shkruante kryeministri Rama, referuar artikullit të “Washington Times”.
Top Channel
