Jo vetëm “ylli” i Milanit, Bayerni synon t’i “rrëmbejë” dy lojtarë Guardiolës 24/05 15:52
Borja Valero nuk është më i pazëvendësueshëm për Spallettin dhe Interi është gati të negociojë për ofertat që vijnë në drejtim të tij. Së fundi për mesfushorin spanjoll ëxzhtë bërë e gjallë skuadra e Villarealit, që ka takuar menaxherin e lojtarit dhe i ka kërkuar informacione për transferimin e tij.
Mediat spanjolle raportojnë se Villareali është gati t’i ofrojë kontratë 3-vjeçare Borja Valeros dhe rreth 3 milionë euro Interit, për kartonin e mesfushorit.
Borja Valero ishte një nga futbollistët e parë që kërkoi Luciano Spalletti pasi erdhi në stolin e Interit verën e kaluar, por kur ka kaluar vetëm një vit, situata ka ndryshuar tashmë.
Mesfushori spanjoll e nisi sezonin si titullar dhe bëri një paraqitje për t’u duartrokitur, por me kalimin e javëve tregoi edhe limitet e tij fizike, duke humbur shkëlqimin.
Kjo bëri që ai të humbte vendin e titullarit dhe thuajse gjatë gjithë fazës së dytë, i nisi takimet nga stoli, pasi nuk ofronte garancitë e duhura për Spallettin.
Top Channel
