Senati amerikan aprovon projektligjin për ndalimin apo shitjen e TikTok-ut 24/04 12:09
Udhëheqësi koreano-verior, Kim Jong-un ka folur për herë të parë publikisht për takimin me presidentin amerikan, Donald Trump.
Trump pranoi muajin e kaluar të takohej me Kim Jong-unin, por Peniani ka qenë i heshtur prej asaj kohe.
Ndërkohë Kim Jong-un, siç raporton media shtetërore, ka përmendur perspektivën e dialogut mes Koresë së Veriut dhe Shteteve të Bashkuara, në një takim me zyrtarë të partisë së tij.
Detajet e takimit të propozuar, përfshirë kohën e zhvillimit të tij, mbeten ende të paqarta.
Të hënën, Trump tha se planifikonte të takohej me Kim Jong-unin në maj apo në fillim të qershorit. Kjo u pasua nga raportet e një zyrtari të administratës amerikane, se SHBA ishin në kontakt me Korenë e Veriut në përgatitjen e takimit.
Njoftimi i papritur në mars për takimin e pritshëm habiti njohës të situatës, që nënvizuan se një takim i këtij lloji zakonisht kërkon muaj kohë në planifikim dhe negociata. Nëse takimi zhvillohet, ai do të jetë i pari në histori që një president amerikan në detyrë ka kryer me një udhëheqës koreano-verior.
Vet Kim Jong-uni do të takohet me presidentin e Koresë së Jugut në një rast të rrallë ndërkorean, më 27 prill, disa muaj pas përmirësimit të marrëdhënieve mes dy vendeve.
Top Channel
