Rëndohet bilanci i viktimave, shkon në gjashtë numri i të vdekurve nga të shtënat në një qendër për të rinj në Gjermani 29/06 19:11
Skema e ngjyrave
Madhësia e shkrimit
Donald Trump po thyen rekordet, por jo për mirë. Më shumë se një në tre punonjës të stafit të tij e kanë lënë Shtëpinë e Bardhë gjatë vitit të parë në detyrë të miliarderit amerikan, një ritëm ky që eklipson nivelin e largimeve në radhët e punonjësve të 5 presidencave të mëparshme.
Dorëheqjet apo shkarkimet në Shtëpinë e Bardhë të Trumpit janë dy herë më të mëdha sesa ato të George Bushit në vitin e parë të punës dhe trefishi i të ikurve prej Barack Obamës brenda të njëjtit hark kohor. Dhe nuk flitet për largime dosido. Presidentin e kanë braktisur një numër i madh zyrtarësh të nivelit të lartë. Obamës nuk iu largua veçse një këshilltar gjatë vitit të tij të parë në Zyrën Ovale, ndërsa George Bushi nuk u përball me largime të këtij niveli.
Po përse ndodh kjo? Sipas teorisë së politologes Katherine Dunn Tenpas, Presidenti u mbështet shumë tek lidhjet e tij në sektorin privat dhe ngurroi të punësonte ata që e kundërshtuan gjatë fushatës. Po kështu, mungesa e përvojës së mëparshme të Shtëpisë së Bardhë mes radhëve të stafit të lartë ishte fare e qartë. Vetë karakteristikat rebele të fushatës së Trumpit dhe numri i vogël i bashkëpunëtorëve gjatë asaj kohe e limituan afrimin e aplikantëve me eksperiencë.
U krijuan mundësi të reja për shumë individë që nuk kishin punuar më parë në Shtëpinë e Bardhë, thotë Dunn Tenpas dhe pikërisht mungesa e përvojës mund të ketë çuar drejt një performance të dobët e për rrjedhojë, edhe një valë të tillë largimesh. Pastaj, është dhe vetë Trumpi një person që i reziston përpjekjeve për ta drejtuar dhe që atëherë kur shkon puna keq, kërkon menjëherë një “dash kurbani”, thekson CNN, i cili krijon në këtë mënyrë një ambient pune që është shumë larg ideales.
Top Channel
