Shfrytëzimi i fëmijëve/ Raporti i CRCA: Mbi 60 mijë janë viktima të dhunës seksuale online në vendin tonë
24/11 12:47
Komisioni Parlamentar i Edukimit është përfshirë nga debatet gjatë raportimit të ministres së Arsimit, Lindita Nikolla për nismën “3 lëndë në 6 orë”, që do të zbatohet nga 1 shkurti në sistemin shkollor parauniversitar.
Nikolla e thirrur në seancë dëgjmore nga opozita, tha se kjo nismë është ndërmarrë nga një grup mësuesish, nxënësish dhe prindërish.
Por, kryetarja e Komisionit të Edukimit, Albana Vokshi kërkoi sqarime nëse nisma që ndryshon sistemin e mësimdhënies në shkolla është konsultuar.
Lindita Nikolla, ministre e Arsimit: Thërrisni grupin këtu dhe ju sqaron me zë dhe figurë një për një të gjitha pyetjet dhe përgjigjet që ju kërkoni.
Albana Vokshi, kryetare e Komisionit të Edukimit: Urdhrin e ngritjes së grupit të punës e ke më datë 29 dhjetor. E kupton që të cedojnë datat? Këtu një grup pune, një institucion varësie i jep urdhër institucionit qendror.
Edhe deputetët e tjerë të opozitës, Shezai Rrokaj i LSI-së dhe Luçiano Boçi i PD-së kundërshtuan nismën e Ministrisë së Arsimit duke argumentuar se futja e saj për zbatim në mes të vitit shkollor u rrëzon gjithë planin mësimor mësuesve.
Shezai Rrokaj, LSI: Gjëja më e vogël që do të bëjnë mësuesit është që do t’u hidhet në erë i gjithë plani mësimor që kanë bërë në fillim të vitit akademik.
Luçiano Boçi, PD: Ju keni disa detyrime ligjore. zhvendosja e orarit në mënyrë të tillë rrëzon poshtë të gjitha planet analitike mësimore.
Lindita Nikolla: Kjo mënyrë e re planifikimi nuk cenon as programin, as planin vjetor të orëve mësimore. Është thjeshtë një instrument dhe mundësi e re që lehtëson edhe nxënësit, edhe mësuesit.
Top Channel
