CDU, mbështetje aksionit opozitar të PD

Siç njofton selia blu, këtë të enjte një këshilltar i lartë i grupit parlamentar CDU-CSU në Bundestag zhvilloi një bashkëbisedim me deputetët e Partisë Demokratike në lidhje me mbështetjen për strategjinë dhe aksionin e saj përballë qeverisjes, si dhe për rrugën e ardhjes në pushtet.

Kryetari i PD, Lulzim Basha shprehu mirënjohjen për mbështetjen e pakursyer të CDU-së në çdo drejtim dhe tha se PD do të angazhohet për ta thelluar bashkëpunimin në çdo drejtim.

Ndër prioritetet kryesore të Partisë Demokratike renditet reforma e plotë zgjedhore, që do të bëjë të mundur garantimin e votës së lirë e të ndershme, asgjësimin e shit-blerjes së votës dhe dhënien fund një herë e mirë të manipulimit të vullnetit të qytetarëve.

Sipas njoftimit të PD, kryetari Basha theksoi se krahas betejës së përditshme kundër keqqeverisjes, krimit dhe drogës, PD do të konsolidojë alternativën e saj qeverisëse me mbështetjen dhe bashkëpunimin e ngushtë me partitë simotra europiane, e në veçanti me CDU.

Top Channel