Meta: Të marrim hak për shitjen e Bashkisë së Pogradecit

“Të mos harxhohen më fonde për të blerë palma të shtrenjta që janë tharë në autostradë, por të jepen për bujqësinë. Nuk e ka fajin Edmond Panariti që Edi Rama nuk i jepte fonde bujqësisë. Fajin e ka Edi Rama sepse nuk di të drejtojë. Për këtë faj do të marrësh përgjigje më 25 qershor”, tha Meta.

“Pogradeci ka hak për të marrë ndaj atyre të pabesëve që e shitën Bashkinë e Pogradecit. Le ta dëgjojë Edi Rama, nuk do të ketë votë socialiste për atë që shiti Bashkinë e Pogradecit. Jo vetëm e shitën bashkinë, që të mos i merrte aleati strategjik LSI që i qëndroi korrekte kudo, por edhe e kanë katandisur Pogradecin në bashki të kategorisë së tretë, duke mos e mbështetur me fonde e projekte, duke penalizuar një popull të tërë”, shtoi Meta.

Kreu i Kuvendit theksoi më tej se “kemi politikanë të llastuar që kujtojnë se i bëjnë nder popullit duke qeverisur në mënyrë arbitrare”.

Top Channel