Portugali, zjarri përfshin ishullin turistik, të paktën 3 viktima
10/08/2016 00:00
Përfundon seanca në Gjykatën e Lartë lidhur me pretendimet e ish Presidentit Trump për imunitet absolut 25/04 21:57
Ka shkaktuar të paktën 3 të vdekur zjarri që ra dje në Madeira, në Portugali, e që tashmë kërcënon edhe kryeqendrën e ishullit, Funçal, një qytezë me rreth 120 mijë banorë.
Mbi 1 mijë persona janë evakuuar nga shtëpitë dhe hotelet për shkak të avancimit të shpejtë të flakëve, ka deklaruar kryetari i bashkisë Paulo Cafofo për agjencinë e lajmeve “Lusa”.
Në ishull gjatë verës ka turistë të shumtë. Autoritetet lokale për arsye sigurie kanë transferuar edhe pacientët e dy spitaleve të qytetit.
Kryeministri portugez Antonio Costa ka njoftuar dërgimin e një avioni ushtarak me përforcime për të vënë nën kontroll flakët. Zjarri kërcënon tashmë edhe qendrën e qytezës Funçal, sidomos Baiksia dhe kishën Sao Pedro.
Aktualisht në Portugali kanë rënë zjarre të shumta, kryesisht të qëllimshme, sidomos në veri të vendit, përreth zonës Viana do Kastelo.
Top Channel
