Përgjimet, si i bënte pazaret në telefon zv.drejtori i burgjeve
12/07/2016 00:00
“Po përpiqet të kalojë përgjegjësinë penale te Monika”, analisti Kreshnik Spahiu: Meta nuk e ka problemin me Ramën apo prokurorët por me… 17/04 22:57
Përgjimet telefonike janë karta më e fortë e Prokurorisë së Krimeve të Rënda mbi hetimet që çuan në pranga ish-zv.drejtorit të përgjithshëm të burgjeve Iliaz Labi dhe 4 administratorë të cilët konkurruan në mënyrë fiktive pas një marrëveshjeje paraprake se duhet të fitonte vetëm njëra prej shoqërive.
Nga materialet e hetimit rezulton se nga data 23 maj deri më 3 qershor të dyshuarit flasin intensivish në telefon me njëri-tjetrin për tenderin e ushqimeve për burgjet, vlera e të cilit llogaritet të jetë 20 milionë.
Mes 4 administratorëve përmendet anulimi i prokurimit, ndërsa pas kësaj zv.drejtori i përgjithshëm Iliaz Labi i kërkon takim në telefon administratorit të shoqërisë “MB. Kurti”, Shemsi Sinani.
Mes të tjerash, zyrtari e urdhëron: “po nuk erdhe sot mos hajde fare”. Të njëjtën qëndrim Labi mban edhe me administratorin tjetër Ylber Kalaja.
Më datë 3 qershor, pas shpalljes fitues të shoqerise “Nelsa” dhe lehtësirave që iu krijuan gjatë procedurës së prokurimit, zyrtari i burgjeve, të dy administratorët diskutojnë se cili prej tyre duhet të shkojë ta mbarojë atë punë. Në një moment Shemsi Sinani e pyet Kalanë.
“Një apo dy”, dhe ai i përgjigjet “dy, duhet të mbajmë ekuilibër se s’kemi çfarë të bëjmë me këto të tjerat”. Në fakt shifra 2, sipas Prokurorisë se Krimeve të Rënda, është shuma prej 2 milionë lekësh që iu pagua zyrtarit të burgjeve për këtë aferë.
Top Channel
