Sarandë, ekspert shkencor për rastin e gjyqtarit Doda
27/05/2016 14:45
Fshatrat me vila bosh! Emigracioni, shkaku kryesor i braktisjes në zonën e Gruemirës 17/06 12:06
Gjykata e Krimeve të Rënda do të dëgjojë një ekspert të policisë shkencore për llogari të procesit ndaj ish-gjyqtarit Rasim Doda.
Tahir Canaj, specialist i krimeve kompjuterike, sipas vendimit të gjykatës do të duhet të këqyrë sërish pamjet filmike të kamerave të sigurisë në Gjykatën e Sarandës.
Kjo është vendosur pas pretendimeve të të pandehurit Doda se ai nuk ka asnjë prove filmike që vërteton se ai ka patur takim paraprak me një nga palët gjyqësore.
Avokatët e ish-gjyqtarit të akuzuar për korrupsion pasiv kërkuan të shfaqeshin të gjitha filmimet në seancë, pasi sipas tyre shtetasi Hasan Bushi, palë në proces ka zhvilluar takime me kryetarin e kësaj gjykate dhe jo me gjyqtarin e akuzuar.
Rasim Doda u arrestua pasi sipas Prokurorisë së Krimeve të Rënda i kishte kërkuar 80 milionë lekë shtetasit Bushi në këmbim të një vendimi, i cili i është treguar paraprakisht të interesuarit.
Por ndërsa Bushi nuk ka pranuar, prokuroria thotë se gjyqtari e ka dhënë vendimin në interes të palës tjetër.
Top Channel
