Bota, e kërcënuar nga uji. Deri në 2060-n zhduken disa superqytete

Një studim i realizuar nga organizata bamirëse britanike, Christian Aid, del në përfundimin se Shtetet e Bashkuara, Kina dhe India janë ndër vendet më të kërcënuara. Më të cënueshëm në Indi janë Mumbai dhe Kalkuta, 8 qytete të tjera janë që të gjitha në Azi, e pas tyre vjen Miami në Amerikë.

Më të vështirë, situatën – sipas autores së raportit, Alison Doig – do ta kenë njerëzit që jetojnë në qytetet e mëdha bregdetare.

“Mendoj se më të rrezikuara nga ekspozimi ndaj rritjes së nivelit të detit dhe shirave të rrëmbyer do të jenë qytete si Kalkuta, Dakari; disa qytete të mëdha në jug, por dhe ekonomi në zhvillim. Përmbytjet atje mund të shkaktojnë dëme masive, e mbase dhe të kërcënojnë jetë njerëzore”, tha Dr. Alison Doig.

Florida, – sipas tij, – ka shumë mundësi të përjetojë përmbytje ekstreme.

“E gjithë Florida është e cënueshme nga kjo situatë. Ai qytet është një vend i ulët dhe rritja e nivelit të detit do të gëlltiste pjesë të tëra të saj. Ndryshimet klimatike janë të forta e mund ta rrisin me gjysmë metri nivelin e ujit këtë shekull”, tha më tej Doig.

Raporti i nxit qeveritë të hidhen në veprim për frenimin e ngrohjes globale, e të investojnë më shumë në programet e reduktimit të katastrofave.

Top Channel