Prokuroria kërkon dosjen për Balilin
13/05/2016 00:00
Artizanët në Elbasan/ Tradita që trashëgohet ndër breza, nismë për të promovuar të rinjtë
13/04 20:27
Prokuroria e Krimeve të Rënda i kërkon autoriteteve greke t’i përcjellë materialet hetimore ndaj Klement Balilit, ish-drejtor i Transporteve për Sarandën, pasi nga përgjimet e kryera për llogari të Greqisë nuk del asnjë e dhënë kompromentuese kundër tij që do t’i hapte rrugë arrestimit të tij në Shqipëri.
Ky veprim i Prokurorisë është ndërmarrë pas njoftimeve përmes të cilave thuhet se drejtësia greke kërkon prangosjen e 44-vjeçarit i kërkuar për trafik ndërkombëtar narkotikësh.
Por akuza shqiptare nuk mund të veprojë pa patur dosjen me të dhënat që shpjegojnë implikimin e Balilit në trafikun e drogës për shkak se ai nuk mund të arrestohet pa patur prova me të cilat të kërkohej burgimi në gjykatë.
Më herët, ky veprim procedurial i autoriteteve shqiptare u konfirmua në emisionin Top Story edhe nga ministri i Drejtësisë, Ylli Manjani.
Por njëkohësisht edhe drejtësia greke deklaron se po përkthen dosjen për t’ja deleguar Shqipërisë, duke e lënë këtë çështje në pritje të provave, derisa së paku të ketë një vendim gjyqësor për arrestimin e tij, sipas të cilit do të nxirrej edhe një mandat arresti ndërkombëtar.
Balilaj u cilësua nga mediat greke si “baroni i drogës”, ndërkohë që shikohet si kreu i një organizate kriminale, që së bashku me anëtarët kanë trafikuar prej 2014 drejt vendeve të Bashkimit Europian tonelata kilogramë me hashash.
Top Channel
