PD: Rama propagandë në Jug, Koço merr pasurinë e radhës
03/03/2016 14:10
Investigimi i “RAI3”, Grupi i PD kërkon interpelancë urgjente me Edi Ramën 25/04 14:25
“Edi Rama, gjatë një vizite dy ditore në jug të vendit, ka tentuar tu shesë banorëve të bregut një mall të prishur, që askush nuk e blen më. Qytetarët e Fierit, Vlorës, Sarandës e më gjerë, e dinë se propaganda e Ramës është një tallje, pasi e vërteta është se qeveria e tij, në jetën e tyre, në lagjen e tyre, ka vetëm një kuptim: Si të pasurohet më shumë Koço Kokëdhima”.
Kështu e ka nisur deklaratën për mediat zëdhënësja e Partisë Demokratike, Ina Zhupa, e cila shtoi se, “pasi ka shtënë në dorë çdo vend pune, çdo tender, çdo licensë, çdo tokë e truall, çdo plazh, çdo burim fitimi, me dekret të posaçëm të Edi Ramës, Koço po bëhet gati të fusë në kthetra dhe kalanë e Porto Palermos, dhe kjo është arsyeja pse Ministria e Kulturës vendosi t’i japë me qira këto objekte të trashëgimisë kulturore”.
“Në mbarë vendin qytetarët janë të revoltuar për korrupsionin, hajdutërinë e Edi Ramës dhe oligarkëve të tij. Por në veçanti, më i urryeri nga të gjithë, të majtë e të djathtë e të paparti, mbetet Kokëdhima i Ramës, për babëzinë që ka shfaqur për të pasur një dorë kudo, nga pastrueset e deri tek ministritë, gjithnjë duke ndjekur pasurimin e tij të pafre”, deklaroi zëdhënësja e PD-së.
Top Channel
