Tom Holland dhe Zendaya blejnë vilën luksoze në Londër për 8.25 milionë, paguajnë “cash” dhe përfitojnë ulje prej…
Mund të jetë ndoshta eksperienca më epike që dikush do të përjetojë në Festivalin e Filmit në Berlin. Zgjat plot 485 minuta, diçka më shumë se 8 orë, dhe është krijimi më i fundit i regjisorit filipinas, Lav Diaz.
Në këtë event të rëndësishëm, nuk para ndodh të ketë një premierë filmi që në mëngjes, por “Një ninullë për misterin e pikëlluar” është kaq i gjatë sa nuk mund të bëhej ndryshe.
Publikut iu dha një orë pushim në mes. Nuk munguan shakatë mbi sasinë e ushqimit që mund të konsumohej brenda këtyre orëve të gjata apo dilemat e disave nëse do të arrinin ta çonin filmin deri në fund.
“Duhet ta shoh sa gjatë do të arrij të duroj”, u shpreh regjisori Robert Berghof.
“Është filmi i dytë më i gjatë në historinë e festivalit. Rekordin e mban filmi 13 orësh e gjysëm i Ulrike Ottinger, që eci për bukuri. Problemi me ‘Ninullen’ është se nuk ka shumë skena aksion, është i avashtë dhe meditativ”, thotë Dieter Kosslick, një tjetër regjisor.
Për regjisorin Lav, rrëfenja e tij mbi kolonizimin dhe luftën për liri në Filipine është e gjatë aq sa duhet. “Nuk ka rëndësi sa është gjatësia e filmit, si të jetë 5 minuta, si të jetë 40 orë, prape mbetet pjesë e artit të kinematografisë”, deklaroi ai.
Top Channel