Kompania “Nike” ka ndërprerë kontratën me boksierin Manny Pacquiao, vetëm një ditë pas deklaratës së këtij të fundit ku i përshkruante homoseksualët si “më të këqinj edhe sesa kafshët”.
Kompania e cilësoi deklaratën e boksierit filipinas si të neveritshme. “’Nike’ kundërshton fuqishëm diskriminim e çfarëdo lloji dhe ka një histori të gjatë të mbështetjes dhe të luftës për të drejtat e komunitetit LGBT”, thuhet në deklaratën ku ndër të tjera theksohet edhe ndërprerja e kontratës me boksierin.
Manny Pacquiao, i cili njihet si një prej boksierëve më të famshëm të botës, të martë duket se vendosi të shfaqte një anë tjetër, atë të një politikani filipinas, detyrë që e ka nisur prej vitit 2007, por pakkush di rreth kësaj fushe të karrierës së tij.
Këtë gjë e ka bërë me një deklaratë tepër të diskutueshme, duke shkaktuar një valë të gjerë përplasjesh mendimesh në Filipine, teksa është shprehur se “çiftet e homoseksualëve janë pak të quhen kafshë”.
Por pas kësaj deklarate, boksieri 8 herë kampion bote në boks është shfaqur i penduar, duke shkruar në “Facebook” se ai nuk ishte kundër LGBT.
Top Channel
