Bamirësja Salma Hayek? Jo vetëm, është edhe Valentina
05/12/2015 00:00
“A do të martohesh me mua?”, deklarata që dhuroi lot dhe emocione të forta për Sara Gjordenin 19/04 22:51
Nëna e saj është e famshme dhe e impenjuar prej kohësh në projekte bamirësie për shkaqe humanitare, ndërsa e bija, edhe pse vetëm 9 vjeç, duket se është në rrugën e duhur për të ndjekur gjurmët e saj.
Bëhet fjalë për vogëlushen Valentina, vajza e aktores së famshme Salma Hayek dhe miliarderit francez Francois-Henry Pinault.
Në një foto të publikuar në Instagram, ylli i kinematografisë shfaq me krenari të madhe vajzën e saj me shpatulla, por me flokët e saj të dendur e tepër të gjatë mbi shpinë. Dhe përse e ka bërë këtë?
“Vajza ime Valentina i ka rritur flokët e saj për t’i prerë më pas, në mënyrë që t’i dhurojë për të bërë paruke për fëmijët e tjerë të prekur nga kanceri. Ky është shpirti i Krishtlindjes”, është mesazhi që shoqëron foton e së bijës.
“Ishte një ide e saj”, tregon më pas Hayek për “Paris Match”, e cila vet është bashkëthemeluese e “Chime for Change”, një organizatë jofitimprurëse që merret zakonisht me shëndetin dhe të drejtat e grave në të gjithë botën.
“Valentina i ka tashmë të gjatë flokët e saj, të dendur dhe tepër të vështirë për t’i rregulluar çdo mëngjes. Megjithatë do të presim verën e ardhshme për t’i prerë, pasi në këtë mënyrë mund të dhurojmë një sasi të konsiderueshme për fëmijët në nevojë”.
Top Channel
