OSHEE bën të ditur se aktualisht janë pa energji 5 mijë abonentë, për shkak të defektit në tetë fidra. Sipas të dhënave të fundit për situatën energjitike në vend, Operatori bën të ditur se pas 48 orësh është bërë i mundur rregullimi i avarive në 90 % të zonave që patën probleme për shkak të motit të keq.
Grupet e punës së OSHEE po punojnë në terren për normalizimin e situatës dhe rikthimin e energjisë elektrike tek të gjithë abonentët.
Energjia është rikthyer gjithashtu edhe në Malësinë e Madhe, ku u dëmtua transformatori në nënstacionin e Vukpalajt.
Ndërprerjet e energjisë në Tepelenë do të vijojnë me kërkesë të OST, e cila është duke kryer punime në linjën 100 kV, Ballsh- Memaliaj. Për rreth dy orë, prej orës 09.30- 11.30 stakohet energjia në nënstacionin Kras.
Top Channel
