Anëtarë të partive opozitare të Kosovës organizuan këtë të enjte një aksion simbolik para ndërtesës së kompanisë për furnizim me energji elektrike, KEDS.
“Orët dixhitale – Hajni qytetarëve” është mbishkrimi, që aktivistët kanë vendosur para hyrjes kryesore të kompanisë KEDS, duke iu referuar matësve të energjisë, që KEDS ka instaluar në shtëpitë e qytetarëve.
Hysni Fejza, përfaqësues i Nismës për Kosovën, ka thënë se ky aktivitet është vazhdim i aktiviteteve të mëparshme të realizuara te Gjykata Kushtetuese dhe te Radio Televizioni i Kosovës.
Fejza tha se, Koorporata private KEDS, përmes Zyrës së Rregullatorit të Energjisë dhe rrjetit kriminal të pushtetit ka arritur të manipulojë dhe shtrenjtojë tarifat e energjisë eklektike, ashtu siç do kjo koorporatë.
Ai shtoi se institucionet përgjegjëse po heshtin para kësaj vjedhjeje.
Fejza ka ftuar qytetarët, që të marrin pjesë në protestën e paralajmëruar për të shtunën, të organizuar nga tri partitë opozitare, ku në mesin e arsyeve për protesta – sipas partive – është edhe problemi i energjisë elektrike.
Top Channel