Lushnje, tregtarët në protestë
13/03/2015 00:00
Fiks Fare/ Infermieri paguhet në shtet pa shkuar në punë, shet ilaçet e një depoje farmaceutike. Favorizohej nga drejtori i QSH Bushat
18/04 20:50
Tregtarët e tregjeve industriale në Lushnje kanë dalë në protestë përpara ambienteve të Bashkisë. Kjo protestë ka ardhur pas një kontrolli të bërë nga Drejtoria e Tatim-Taksave të Drejtorisë së Qarkut Fier.
Nga ky kontroll ka dalë se të gjithë këta tregtarë kanë punuar si tregtarë ambulantë. Sot, atyre u kërkohet të licensohen. Pagesa e sigurimeve shoqërore dhe tatim-fitimi të mbledhura sëbashku arrin rreth 200 mijë lekë në vit. Sipas tregtarëve, kjo shifër është e papërballueshme prej tyre pasi nuk kanë xhiro ditore.
Nga ana e drejtuesve të Bashkisë së Lushnjes, nënkryetarja Teuta Korreshi theksoi se muaji qershor është afati i fundit që tregtarët të kryejnë pagesat, në të kundërt mbi ta do të veprojë ligji.
Prej 7 vitesh këta tregtarë kanë punuar si ambulantë dhe kanë paguar vetëm qiranë e ambienteve ku kryejnë aktivitetin.
Top Channel
