Liderët kosovarë, bashkë në homazhe, të ndarë nga “Jabllanoviç”
31/01/2015 00:00
Ambasadori i Gjermanisë në Prishtinë: Kosovën e pret punë e vështirë për t’u anëtarësuar në Këshillin e Evropës në maj 16/04 23:01
Shefi i diplomacisë kosovare, Hashim Thaçi deklaroi këtë të shtunë se është në autoritetin e plotë të kryeministrit Isa Mustafa të marrë vendim për shkarkimin ose jo të ministrit serb Aleksandar Jabllanoviç.
Ai këto komente i bëri pas homazheve në shesin Zahir Pajaziti, me rastin e përvjetorit të rënies së tre heronjve, Zahir Pajaziti, Hakif Zejnullahu dhe Edmond Hoxha.
31 janari, si dita që përkujton rënien e tre ushtarëve të UÇK-së, në fakt bëri bashkë politikanë nga radhët e pozitës dhe opozitës tek shtatorja e Zahir Pajazitit, të cilët i bënë homazhet në të njëjtën kohë.
Por, përtej vlerësimit për rolin e UÇK-së, dallimet mes tyre kur është fjala për aktualitetin politik janë të mëdha. Teksa kryeministri Isa Mustafa dhe kreu i AAK-së nuk u përshëndetën fare, kryetari i Vetëvendosjes paralajmëroi protestë masive dhe paqësore më 4 shkurt.
Nga ana e tij, kryeministri Mustafa shprehu nderimin më të lartë për kontributin e jashtëzakonshëm të heroit Zahir Pajaziti dhe bashkëluftëtarëve të tij Edmond Hoxha e Hakif Zejnullahu.
Ai theksoi se Pajaziti ishte ndër të parët në lëvizjen për çlirimin e Kosovës, duke dhënë një kontribut të jashtëzakonshëm dhe se ishte në sytë e regjimit serb që e vrau në një pritë.
Top Channel
