Albin Kurti: Qeveri e përbashkët me Beogradin

10/12/2014 00:00

Lëvizja Vetëndosje ka vlerësuar se, me nënshkrimin e marrëveshjes mes Partisë Demokratike të Kosovës, Lidhjes Demokratike dhe Listës Serbe po realizohet formula që parashikon Serbia për Kosovën: më shumë se autonomi e më pak se pavarësi.

Lideri i kësaj lëvizjeje, Albin Kurti tha se janë bashkuar e djatha e Kosovës me të djathën e Serbisë, duke krijuar kështu një qeveri të përbashkët me Beogradin.

“Kjo qeveri është qeveri e përbashkët e Prishtinës me Beogradin. Përmbajtja e marrëveshjes së PDK-LDK dhe Listës Serbe tregon qartë synimin per federalizimin e Kosovës, duke e ndarë sistemin politik, duke krijuar barazi në çdo udhëheqje institucionale dhe duke e formuar me shpejtësi asociacionin e komunave me shumicë serbe”, deklaroi Kurti.

Kurti tha se si opozitë e fuqishme do të ngrenë komisione hetimore parlamentare, veçanërisht për hetimin e SHIK-ut, por për një gjë të tillë opozitës i duhen edhe 7 deputetë, për të cilët ai u shpreh optimist se do t’i kenë.

“Janë së paku 33 deputetë opozitarë në Kuvendin e Republikës sonë dhe nëse ne arrijmë të kemi edhe 7 deputetë të tjerë për nisma të ndryshme, atëherë natyrisht që do të mund të ketë edhe seanca të jashtzakonshme, por edhe komisione hetimore parlamentare. Ne do ta vazhdojmë iniciativën tonë për një komision hetimor parlamentar për SHIK-un, për shkak se konsiderojmë që nuk mund të ketë as republikë parlamentare, as pavarësi të shtetit, as drejtësi ligjore, as demokraci institucionale pa hetimin dhe zbardhjen e çështjes së SHIK-ut”, theksoi Kurti.

Kreu i Vetëvendosjes u bëri thirrje diplomatëve ndërkombëtarë që të mos flasin më për korrupsionin dhe krimin në Kosovë, përderisa e mirëpresin këtë qeveri, me koalicion sipas tij të korruptuarish, si dhe instalimin e kreut të nëntokës në krye të Kuvendit.

Top Channel

Nga 1 dhjetori mësimi do të zhvillohet i alternuar/ Nxënësit: Duam të rrimë në shkollë
Shembet pallati në Durrës/ Ishte dëmtuar shumë rëndë nga tërmeti i një viti më parë
“Pandemia Covid-19 ka frenuar lejet e ndërtimit. Instituti i Statistikave raporton se në total në të gjithë vendin lejet e dhëna nga bashkitë për ndërtime të reja gjatë periudhës Korrik – Shtator arritën në 262, në rënie me 14.9% krahasuar me të njëjtën periudhë të një viti më parë.” Por, në raport me tremujorin e kaluar që përkon me periudhën Prill – Qershor, kohë kur vendi ishte në karantinë ka një rritje të ndjeshme me 53 leje më shumë të miratuara. Tirana kryeson listën me numrin më të lartë me 68 leje të dhëna sipas Instat edhe pse në krahasim me të njëjtën periudhë 2019-ës, ka thuajse një përgjysmim të tyre. Qyteti bregdetar i Durrësit nga ana tjetër ka shënuar një rekord në lejet e dhëna nga bashkia me 49 të tilla në total. Kjo rritje e fortë e lejeve të miratuara për ndërtime të reja në Durrës lidhet kryesisht edhe me procesin e rindërtimit, i cili ka nisur tashmë zbatimin në zonat e prekura nga tërmeti. Paralelisht me uljen e numrit të lejeve, rënie ka pësuar edhe sipërfaqja e dhënë për ndërtesa të reja, teksa vlera e përafërt e lejeve të miratuara në tremujorin e tretë arriti vlerën e rreth 19.5 miliardë lekëve apo 157.5 milionë euro. Pjesa më e madhe e lejeve janë dhënë për ndërtesa banimi kryesisht për banesa njëkatëshe dhe dykatëshe, si dhe për ndërtesa të tjera për qëllime tregtare apo objekte të tjera për zyra.
Një minutë heshtje në nder të Maradonës/ Nis ndeshja mes Kombëtares sonë të femrave dhe Qipros
Top News – BE do të marrë dy miliardë doza të vaksinës kundër COVID-19, një pjesë edhe për Ballkanin
Rindërtimi në Thumanë/ Ahmetaj: Janë mbi 3 mijë banorë që do të futen në shtëpitë e reja