Kryeministri Edi Rama përmes një postimi në rrjetin social Facebook
është shprehur se politika energjetike e Qeverisë do të ndalojë
grabitjen e pasurisë tonë kombëtare dhe do ta rilindë kete sektor
strategjik të ekonomisë, duke e shndërruar atë në një burim fitimi për
Shqipërinë dhe shqiptarët.
Kjo, sipas Ramës do të marrë një kohë prej 5-vjetësh, ndërsa premtoi se pensionistët, familjet në nevojë e personat me aftësi të kufizuara të mos preken nga heqja e fashës 300 KW.
“Rritje pensioni për pensionistët kryefamiljarë dhe rritje page për ndihmën ekonomike e për aftësinë e kufizuar që 200 mijë familje në nevojë të mos preken nga heqja e fashës 300 KW, por edhe që asnjë hajdut i energjisë të mos fshihet më pas kësaj fashe si deri më sot.Çmimi nuk do të rritet, por secili do të paguajë atë që i takon e kush paguan nuk do të jetë më i detyruar të paguajë edhe për ata që vjedhin, sic ka ndodhur zi e më zi për 20 vjet më radhë.Politika jonë e re e energjetike do të ndalojë grabitjen e kësaj pasurie të jashtëzakonshme kombëtare dhe do ta rilindë këtë sektor strategjik për zhvillimin e ekonomisë sonë, duke e kthyer brenda 5 vjetësh nga një gropë të zezë humbjesh kolosale në një burim të madh fitimi për popullin shqiptar.Nga një vend i varfëruar dhe i turpëruar prej vjedhjes së vetvetes do të bëhemi një vend normal dhe i rritur fort ekonomikisht falë vënies në shërbim të interesave të Atdheut dhe të popullit të kësaj pasurie të paçmuar”, tha Rama.
Top Channel
