Shqiptari ekstradohet në SHBA, kërkohet për krime kibernetike, “gllabëroi” mbi 232 mijë dollarë Ka vrarë veten në burg Gianluca Ciferri, sipërmarrësi që më 15 shtator vrau dy punonjës të tij kosovarë sepse i kërkonin pagat e prapambetura prej shumë muajsh, rreth 20 mijë euro.
Duke përdorur çarçafë, 48-vjeçari ka varur veten në hekurat e dritares së banjës dhe trupi i tij është gjetur në mengjes.
Mendohet se ai nuk ka përballuar dot peshën e krimit që ka kryer dhe nga të dhënat e para duket se arësyet e xhestit i ka shpjeguar në një letër.
Ai lë gruan dhe tre fëmijë. Punëtorët kosovarë, Nexhmedin Mustafa 38 vjeç dhe Valdet Avdyli 26 u qëlluan me armë zjarri në banesën e sipërmarrësit, ku më pas u zbulua se ai kishte rreth 40 armë, të gjitha me leje.
Fillimisht Gianluca Ciferri pati deklaruar se kishte vepruar për vetëmbrojtje, por më pas ky version u hodh postë nga hetuesit. Vrasja e dy kosovarëve shkaktoi indinjatë të thellë dhe jo vetëm tek komunitetit shqiptar i cili kërkoi menjëherë drejtësi.
Me vdekjen e sipërmarrësit mbyllet në mënyrën më të hidhur një episod i rëndë që lë pas tre gra të veja dhe gjithësej nëntë fëmijë jetimë, në Kosovë e në Itali.
Top Channel